Алғашқы қыздар Q-pop тобы араға төрт жылып қайта сахнаға оралды!
Осыдан бес жыл бұрын 2018 жылдың басында Ерболат Беделхан және Асыл Айдар алғашқы қыздар Q-pop тобын құратынын жариялап, кастинг Қазақстан телеарнасында үлкен шоу ретінде өткен болатын. Кастингтен алты қыз өтіп, топтың аты Juzim аталып, жылдың соңында дебют алды. Juzim аздаған уақыт ішінде үлкен фандом жинап, бірнеше рет фестивальдерде шықты.
Алайда топ құрылғаннан 8 айдан кейін аяқасты топ мүшелері Mad Z, ChiRa, Erika контракттың болмағаны мен топ мүшелерінің жеке себептеріне байланысты құрамнан кететінін хабарлады. Juzim бірнеше ай жаңа құраммен өнер көрсетуге тырысқанымен, жылдың соңында топ толықтай тарап кетті.
Камбэк
Бір ай бұрын ғаламтор желісінде Bikesh жаңа тобының суреттері пайда бола бастады. Жаңа топ болғанымен, жүздері таныс әртістер. Juz Entertainment-те болған Juzim тобы бұрыңғы құраммен қайта оралып, Bikesh атты жеке жобаларын бастады. Камбэк аздаған уақыт ішінде желіде тез тарап, Q-pop жанкүйерлеріне жаңа дем бергендей болды.
Бүгін 7 желтоқсан күні топтың дебюттік “SAG’YZ” трегі жарық көрді. Әлеуметтік желілерде белсенді түрде тараған ән тыңдармандарға ерекше ностальгия сезімін сыйлай отыра, жаңа, сапалы дыбысты берді.
Осы жылы Q-pop-тың жаңа дем алғанына орай, ұжымның шығармашылығын ары қарай бақылайтын боламыз.
