Батыстың жасөспірімдерінен құралған Kezeñ рок-тобы, аздаған уақыт ішінде Жайық жағасынан Алатау бөктеріне дейін тамырын кең жайды. Бүгінгі күнге дейін синглдер шығаруымен айналысқан топ, 7 маусым күні алғашқы жарыққа шыққан альбомымен қуантты.
Kezeñ-нің алғашқы үнтаспасы «Kezeñ» атауымен топ мүшелерінің белгілі бір кезеңде бастан кешкен оқиғалары мен сезімдерін сипаттайды.
Альбомдағы әндер мен олардың шығу қарсаңында жарық көрген промо-бейнелерге зейін салсақ, кейіпкер (бәлкім, орындаушының өзі) жасөспірімдік шақтағы өтпелі кезеңдік күйзеліс, ішімдіке жүгіну, ішкі күрес, махаббат сынды сан алуан сезімдермен бетпе-бет келеді.
Әлбетте, мұның бәрі әндер әуезінің өзгеруімен де сипатталып, музыкалық тұрғыда өзіндік тілмен баяндалады.
Кейіпкер ішкі жан дүниесін сыртқа «Ей, қара…» деп дауыстап шығара, сәл ойланып «…Бәрі бүгін басталады» сөздерімен ішкі тепетеңдікті бойлап Жайығымен табысады.
Kezeñ-нің алғашқы үнтаспасын сілтеме бойынша тыңдай аласыз.
Kezeñ-нің келесі «кезеңін» асыға күтеміз.
